FHN-dən APA-ya verilən məlumata görə, adıçəkilən təlimdə iştirak etmək üçün təlim yerinə Xüsusi Riskli Xilasetmə Xidməti tərəfindən aidiyyəti sahələr üzrə tətbiqi nəzərdə tutulan alət və avadanlıqların çatdırılması təmin olunub.
“KAZPAS-2014” Xilasetmə bölmələrinin 19-cu Beynəlxalq toplanış-seminarı Qazaxıstan Respublikasının Fövqəladə Hallar Nazirliyinin Kapşaqay rayonunda yerləşən “Dağ şəhərciyi” adlanan təlim-məşq mərkəzində keçirilib və bu seminarda 8 dövlətin (Azərbaycan, Almaniya, Belarus, Qazaxıstan, Qırğızıstan, Tacikistan, Rusiya və Çin) 22 komandası iştirak edib.
“KAZPAS-2014” Xilasetmə bölmələrinin 19-cu Beynəlxalq toplanış-seminarının rəsmi açılış mərasimi, mandat komissiyası və komandaların püşk atması olub.
“KAZPAS-2014” Xilasetmə bölmələrinin 19-cu Beynəlxalq toplanış-seminarının müşavirəsində iştirakçılara Azərbaycan Respublikası Fövqəladə Hallar Nazirliyi və Xüsusi Riskli Xilasetmə Xidmətinin fəaliyyəti haqda məlumat verilib və videoçarxlar nümayiş etdirilib.
Azərbaycan FHN-in xilasetmə komandası “KAZPAS-2014” Xilasetmə bölmələrinin 19-cu Beynəlxalq toplanış-seminarında bütün mərhələlərdə iştirak edərək 22 komanda arasında III yerə layiq görülüb, diplom və təltiflərlə mükafatlandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
