Asiya

Ana səhifə

Asiya

İranlı bloqqer həbsxanada müəmmalı şəkildə ölüb

09 noyabr 2012 09:38 (UTC +04:00)

APA-nın məlumatına görə, onun ölümü həbsindən bir həftə sonraya təsadüf edib.

İran polisi 35 yaşlı bloqqeri öz bloqunda, sosial mediada, xüsusilə “Facebook”da ictimai-siyasi məsələlərlə bağlı yazdıqlarına görə milli təhlükəsizliyə qarşı fəaliyyət göstərməkdə günahlandıraraq həbs etmişdi. S. Beheştinin harada və necə öldüyü məlum deyil. Bloqqerin cəsədi çərşənbə günü ailəsinə təhvil verilib. Hələlik İran rəsmiləri hadisə ilə bağlı heç bir rəsmi açıqlama verməyiblər.

Qeyd edək ki Tehranın Evin həbsxanasında bir gün saxlanılan S. Beheşti ona qarşı kobud rəftar edildiyinə dair həbsxana rəsmilərinə şikayət məktubu yazdıqdan sonra naməlum bir yerə aparılıb.

“Sərhədsiz Junalistlər” təşkilatı İran rəsmilərinin S. Beheshtinin tam olaraq necə öldüyü ilə bağlı açıqlama verməsini və dünya ictimaiyyətinin də bu cinayətin cəzasız qalmasına icazə verməməsini istəyib.

Fransa və Böyük Britaniya da S. Beheştinin ölümü haqqında daha çox məlumat istəsə də, İran rəsmiləri hələ heç bir şərh verməyib.

İran