Bakı. Məlahət Nəcəfova - APA. Gümrüdə güllələnən Avetisyan ailəsinin qohumları Şirak vilayəti prokuroru Raffi Aslanyanın kabinetinə hücum ediblər.
APA-nın məlumatına görə, onların əsas tələbi prokurorun Ermənistanın baş prokuroru Gevork Kostanyanla görüş və ya telefon danışığının təşkili və onların narahat olduqları bütün məsələlərə cavab almaqdır.
Prokurorun təkidlərinə baxmayaraq, onlar kabineti tərk etməkdən imtina ediblər. Raffi Aslanyan onlara baş prokurora yazılı müraciət etməyi məsləhət görüb. O, Avetisyan ailəsini kabinetdən çıxarmaq cəhdlərinin uğursuz olmasından sonra binanı tərk etməli olub. Polis bölməsinin rəisi Kumayri Aram Qaribyan hazırda kabinetdən çıxmayan qohumlarla danışıqlar aparır.
Xatırladaq ki, yanvarın 12-də Gümrüdə Avetisyan ailəsinin 7 üzvü güllələnib. Cinayətin törədilməsində rusiyalı hərbçi Valeriy Permyakov təqsirli bilinir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
