Bakı. Şəhriyar Əlizadə - APA. Bu gün 1 saylı Bakı İnzibati İqtisadi Məhkəməsində Milli Televiziya və Radio Şurasının (MTRŞ) ANS Müstəqil Yayım və Media Şirkətinə qarşı qaldırdığı iddia üzrə məhkəmə prosesi başlayıb.
MTRŞ-nın nümayəndəsi Toğrul Mirzəzadənin APA-ya verdiyi məlumata görə, hazırlıq iclasında tərəflər dinlənilib. Məhkəmənin baxış iclası iyunun 24-nə təyin edilib.
Qeyd edək ki, 2015-ci ildə MTRŞ ANS Müstəqil Yayım və Media Şirkətinə qarşı iddia ilə 1 saylı Bakı İnzibati İqtisad Məhkəməsinə müraciət edib. İddiada televiziyaya "Abşeron" adlı serialın çəkilməsi üçün ayrılan 160 min manat vəsaitin və 8 min manatlıq cərimənin dövlət büdcəsinə geri qaytarılması istənilib. Bildirilib ki, televiziya "Abşeron" əvəzinə, "Sevgi naminə" adlı serial çəkib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
