Bakı-APA. Super ağır çəkidə boks üzrə IBO, WBO i WBA versiyalarında dünya çempionu Tayson Fyuri dipinqdən istifadədə şübhəli sayılır.
APA-nın “Mirror” nəşrinə istinadən verdiyi məlumata görə, T. Fyuri 28 noyabr 2015-ci ildə Düsseldorfda ukraynalı Vladimir Kliçko ilə son döyüşündə qalib gəlib və IBF, IBO, WBO i WBA versiyaları üzrə dünya çempionu adı qazanıb.
Sonradan britaniyalı boksçu IBF versiyası üzrə dünya çempionu titulundan məhrum edilib. V. Kliçko ilə T. Fyuri arasında revanş görüşün bu il iyulun 9-da Mançester şəhərində keçirilməsi nəzərdə tutulsa da, T. Fyurinin topuğundan zədə alması səbəbindən oktyabra təxirə salınıb.
T. Fyurinin qanında qadağan edilmiş nandrolon maddəsi 2015-ci ilin martında, V. Kliçko ilə görüşdən əvvəl götürülmüş qan nümunəsində aşkarlanıb. Əgər dopinqdən istifadə faktı təsdiqlənərsə, 27 yaşlı boksçu bütün titullarından məhrum ediləcək və boks yarışlarından kənarlaşdırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
