Xarici siyasət

Ana səhifə

Xarici siyasət

Rusiya Xarici İşlər Nazirliyi Bəşər Əsədin həyat yoldaşının bu ölkəyə qaçması xəbərini təkzib edib

20 iyul 2012 15:56 (UTC +04:00)

Moskva. Fərid Əkbərov-APA. “ABŞ BMT təhlükəsizlik Şurasının iclasında Suriya əleyhinə oqətnamənin qəbuluna qoyduğumuz vetonun “qisası”nı aldı”. APA-nın Moskva müxbirinin verdiyi məlumata görə, bu fikirləri Rusiya Xarici İşlər Nazirliyinin xüsusi nümayəndəsi Aleksandr Lukaşeviç bu gün keçirdiyi brifinqdə bildirib. A. Lukaşeviç ABŞ Senatının Pentaqonla Rusiya silah ixracat şirkəti “Rosoboronexport” əlaqələrini kəsmələri haqqında qəbul etdiyi qərarı ABŞ “qısas”ı kimi dəyərləndirib: “ABŞ bu yolla BMT TŞ-da Suriya əleyhinə qətnamənin qəbuluna veto qoyan Rusiyanı cəzalandırıb. Bir çox amerikalı senatorlar hələ də “soyuq muharibə”nin təsiri altında hərəkət edirlər. Bu, bizi çox təəssüfləndirir”.

XİN nümayəndəsi Suriya lideri Bəşər Əsədin həyat yoldaşının Rusiyaya gəldiyi haqqında iddialara da münasibət bildirib. Onun sözlərinə görə, yayılan bu məlumatlar şaiyədən başqa bir şey deyil.