MDB

Ana səhifə

MDB

Bidzina İvanişvili: “Biz yenə bu meydana qayıdacağıq”

29 sentyabr 2012 20:45 (UTC +04:00)

Tiflis. Nizami Məmmədzadə-APA. “Biz yenə bu meydana qayıdacağıq.” APA-nın Gürcüstan bürosunun məlumatına görə, bu sözləri sentyabrın 29-da biznesmen Bidzina İvanişvili Tiflisdəki “Azadlıq meydanı”ndakı çıxışında bildirib. “Gürcü arzusu” blokunun mətbuat mərkəzinin rəhbəri Maya Pançkidzenin sözlərinə görə, B.İvanişvili bu ifadəni ilk dəfə işlətmir: “Biz may ayından başlayaraq, aksiyalar keçirməyə başladıq və İvanişvili söz verdi ki, bütün Gürcüstanı gəzəcək və yenidən bu meydana qayıdacaq. O, nəyə söz vermişdisə onu da yerinə yetirdi. Buna görə də hamımız düşünürük ki, bu keçən 4 ay ərzində o, verdiyi sözə əməl edibsə, deməli hər bir sözünü doğrulacaq. Buna görə də bu gün Rustaveli prospektində belə böyük aksiya oldu. Belə tədbir hələ Tiflisdə olmamışdı. Bu göstərir ki, sabah yox, o biri gün hamı seçkilərə gedəcək və “Gürcü arzusu” qələbə qazanacaq”.