Bakı. Musa Əhmədov – APA-Economics. İcbari Sığorta Bürosunun (İSB) Himayəçilər Şurasının iclası keçirilib.
İSB-dən “APA-Economics”ə verilən məlumata görə, iclasda Büronun iştirakçı sığortaçılarının “Yaşıl Kart” sistemində iştirakı ilə bağlı “Azərbaycan Yaşıl Kart blanklarının forması, onların çap olunması, doldurulması və uçotu qaydaları”, “Yaşıl Kart sistemi çərçivəsində fəaliyyət qaydaları”, “Bağlanmış Yaşıl Kart müqavilələri üzrə təqvim haqlarının ödənilməsi qaydaları”, “Yaşıl Kart Təkrarsığorta Daxılının təşkili və işləmə qaydaları” sənədləri təsdiq olunub.
Qeyd edək ki, Azərbaycanda “Yaşıl Kart” sistemi üzrə fəaliyyət göstərmək istəyən sığortaçılar 21 dekabr 2015-ci il tarixinə qədər Yaşıl Kart sığortaçılarının Reyestrinə daxil olmaq üçün İcbari Sığorta Bürosuna müraciət etməlidirlər. İştirakçı sığortaçılar göstərilən tarixədək Yaşıl Kart sığortaçılarının Reyestrinə daxil edilməsi və Yaşıl Kart blanklarının alınması üçün Büroya müraciət etməzsə və ya bununla bağlı təqdim etdiyi sənədlərdə hər hansı uyğunsuzluq və ya çatışmazlıq olarsa, həmin sığortaçının 2016-cı ilin yanvar ayının 1-dən etibarən İcbari Sığorta Bürosunun informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə fəaliyyəti məhdudlaşdırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
