Moskva.Fərid Əkbərov - APA. "Türkiyənin Dağlıq Qarabağla bağlı bəyanatı destruktivdir".
APA-nın Moskva müxbirinin verdiyi məlumata görə, bunu Rusiyanın ATƏT-dəki daimi nümayəndəsi Aleksandr Lukaşeviç "Rossiya 24" kanalının efirində deyib.
"Dağlıq Qarabağ münaqişəsində tərəflərdən birini müdafiə etmək cəhdləri destruktivdir və bunun heç bir davamı yoxdur", deyə Aleksandr Lukaşeviç jurnalistin Türkiyə rəhbərliyinin Dağlıq Qarabağla bağlı bəyanatının şərh etməsi ilə bağlı xahişinə cavabında bildirib.
Lukaşeviç qeyd edib ki, ATƏT bu cür mövqeni dəstəkləmir: "Ciddi anlaşılma var ki, həmsədrlər Rusiya, ABŞ və Fransa Minsk Qrupunun üzvləri ilə bərabər əsas yükü daşıyırlar. Yeri gəlmişkən, hara ki, Türkiyə də daxildir. Lakin aparıcı rol müəyyən olunub və üç həmsədrlərə verilib. Ona görə də Dağlıq Qarabağ münaqişəsində tərəflərdən birini müdafiə etmək cəhdləri tamamailə destruktivdir və bunun heç bir davamı yoxdur".
A.Lukaşeviç dekabr ayına nəzərdə tutulmuş Azərbaycan və Ermənistan prezidentlərinin görüşünün münaqişə zonasında gərginliyin azaldılmasına xidmət edəcəyinə ümid etdiyini bildirib.
Qeyd edək ki, Türkiyə baş naziri Əhməd Davudoğlu Türkiyənin Dağlıq Qarabağı Azərbaycana qaytarmaq üçün hər şeyi edəcəyini bəyan edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
