Bakı – APA. Taekvondo yığmamız Avropa Oyunlarına hazırlığını başa vurub. Azərbaycan Taekvondo Federasiyasından (ATF) apasport.az saytına verilən məlumata görə, yarışda iştirak edəcək komandamızın Atletlər kəndinə yola salınması üçün bu gün ATF-nin İdarə Heyətinin iştirakı ilə görüş keçirilib.
Tədbirdə federasiyanın vitse-prezidentləri Nağı Səfərov, Niyaməddin Paşayev və baş katib Həmid Məmmədov millimizə böyük ümidlər bəslədiklərini bildirərək, yarışlarda uğurlar arzulayıblar.
Qeyd edək ki, iyunun 16-19-da “Kristall Hall”da keçiriləcək taekvondo yarışlarında 128 idmançı 8 çəki üzrə gücünü yoxlayacaq. 4 gün davam edəcək mübarizədə ölkəmizin idman şərəfini Məhəmməd Məmmədov (58 kq), Ayxan Tağızadə (68 kq), Milad Beiqi Harçeqani (80 kq) və Radik İsayev (+80 kq), Patimat Abakarova (49 kq), Günay Ağakişiyeva (57 kq), Fəridə Əzizova (67 kq) və Marina Tedeyeva (+67 kq) qoruyacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
