Lerikdə çayda batan rayon sakini, 1994-ci il təvəllüdlü Ramin İlqar oğlu Həbullayevin meyiti sudan çıxarılaraq aidiyyəti üzrə təhvil verilib.
APA-nın cənub bürosunun xəbərinə görə, meyit FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən aşkarlanıb.
Qeyd edək ki, hadisə R. Həbullayev balıq tutmaq istəyərkən ehtiyatsızlıqdan baş verib.
Faktla bağlı araşdırma aparılır.
FHN-in bununla bağlı yaydığı məlumatda bildirilir ki, bu gün Lənkəran çayının Lerik rayonunun Piran kəndi ərazisindən keçən hissəsində batdığı ehtimal olunan 1994-cü il təvəllüdlü Həbibullayev Ramin İlqar oğlunun axtarışları başa çatıb.
R.Həbibullayev cəsədi Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
***
13:16
Fövqəladə Hallar Nazirliyi Lerik sakininin göldə batması barədə məlumat yayıb.
APA-nın FHN-in saytına istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, Lerik rayonunun Piran kəndi ərazisində süni göldə 1 nəfərin batdığı ehtimal olunur.
FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub. Əlavə məlumat veriləcək.
***
12:59
Lerikdə gənc oğlan çayda batıb.
APA-nın cənub bürosunun məlumatına görə, hadisə Lerikin Piran kəndi ərazisindən keçən çayda baş verib.
Lerik rayon sakini, 1994-cü il təvəllüdlü Ramin İlqar oğlu Həbullayev çayda balıq tutmaq istəyərkən ehtiyatsızlıqdan suya yıxılıb.
Onun meyitini hələlik sudan çıxarmaq mümkün olmayıb.
Faktla bağlı araşdırma aparılır.