Bakı. Şəhriyar Əlizadə - APA. Şamaxı şəhərində ölümlə nəticələnən yol qəzası baş verib.
APA-nın Daxili İşlər Nazirliyinin saytına istinadən verdiyi məlumata görə, avqustun 21-də saat 04 radələrində Şamaxı şəhərində Bakı şəhər sakini Bəhrəm Xankişiyev idarə etdiyi “VAZ-2106” markalı avtomobili yolun kənarındakı divara vurub. Xəstəxanaya yerləşdirilmiş B. Xankişiyev orada ölüb.
Baş Dövlət Yol Polisi İdarəsi tərəfindən araşdırma aparılır.