Bakı. Pərviz Nuriyev - APA-Economics. Cari ilin sentyabr ayında VİSA-nın partnyor şirkətinin dəstəyi ilə ödəniş kartlarının aktivləşdirilməsi sahəsində təqdimat keçirilib. VISA ödəniş sistemi tərəfindən “DəmirBank” ASC “Kommersiya kartları üzrə nağdsız ödənişlərin ən dinamik artımı” (for fastest growth of purchase volume in commercial cards) nominasiyasında Azərbaycanın maliyyə sektorunun ən yaxşı bankı elan edilib.
Bankdan “APA-Economics”ə verilən məlumata görə, tədbirdə “DəmirBank”ın kommersiya kartları üzrə nağdsız ödənişlərin dövriyyəsində göstərdiyi dinamik artım VISA beynəlxalq ödəniş sisteminin MDB və Cənub-Şərqi Avropa üzrə baş meneceri Katarjina Sosin tərəfindən xüsusi qeyd edilib.
Ölkənin ilk kommersiya banklarından olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. DəmirBank Fitch Ratings agentliyinin “stabil” proqnozlu “B” və Planet Rating agentliyinin “pozitiv” proqnozlu “B” reytinqlərinə malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
