Bakı. Cavid Zeynalov – APA. Bakıda ilk dəfə Azərbaycan, Rusiya, Gürcüstan, Tatarıstan və s. ölkələrin komandalarının iştirakı ilə “Bakı tətilləri” adlı Beynəlxalq Şən və Hazırcavablar Klubunun (ŞHK) yay festivalı keçiriləcək.
Nizami Kino Mərkəzindən APA-ya verilən məlumata görə, festivalda Azərbaycanı “Sbornaya Baku” komandası təmsil edəcək.
Avqustun 29-da Festivalın rəsmi açılışı, sentyabrın 2-də isə qala-konsert və Azərbaycan regional ŞHK liqasının yarımfinalı baş tutacaq.
Yarımfinal çərçivəsində qala-konsertin aparıcısı Aleksandr Maslyakov olacaq.
Qeyd edək ki, Nizami Kino Mərkəzi festivala dəstək verən qurumlar sırasındadır.