Zaqatala. Vüqar Heydərov - APA. Zaqatalada qətl hadisəsi baş verib.
Zaqatala Rayon Polis Şöbəsindən APA-nın yerli bürosuna verilən məlumata görə, hadisə sentyabrın 17-də Zaqatala şəhərində qeydə alınıb.
Şəhər sakini, əvvəllər məhkum olunmuş Səbuhi Ələsgərov kəsilmiş-deşilmiş xəsarətlə xəstəxanaya gətirilib və aldığı xəsarətlərdən orada dünyasını dəyişib.
Polis və prokurorluq orqanları əməkdaşlarının keçirdikləri əməliyyat-axtarış və istintaq tədbirləri ilə hadisəni törədən, Qazangül qəsəbə sakini Kamran Məmmədov tutulub.
Faktla əlaqədar cinayət işi başlanıb, zəruri istintaq-əməliyyat tədbirləri aparılır.