Bakı. Aynur Əliyeva – APA-Economics. Bu gün Bakı-Böyük Kəsik dəmir yolunun Əlikənd-Ləki mənzilində 9 600 metr yolun əsaslı təmirinə başlanılıb. Səhər saatlarında start götürən təmir işləri 10 gün davam edəcək. Əsaslı təmir işlərini «Dəmiryolservis» MMC-nin müəssisələri həyata keçirir.
«Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədovun «APA-Economics»ə verdiyi məlumata görə, MMC-nin baş mühəndisi Əfsələddin Gəncəliyev bildirib ki, Azərbaycanda dəmir yolu nəqliyyat sisteminin 2010-2014-cü illərdə inkişafına dair Dövlət Proqramının icrası çərçivəsində əsaslı təmir işlərinə 2011-ci ildə Tatlı-Ağstafa sahəsinin 97-ci km-də start verilib. Bu günə kimi 291 km yol əsaslı təmir olunub. Bunun 235 km-nin 800 metrlik uzunölçülü relslərlə (pletlərlə) əvəzlənməsi başa çatıb.
QSC-nin İnfrastruktur Departamenti tərəfindən Bakı-Böyük Kəsik istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiya «Eximbank»ının nəzarət qrupu müşahidə edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
