Bakı - APA. MDB-nin icraçı katibi (2004-2007), Rusiyanın daxili işlər naziri (1999-2001), Rusiya Təhlükəsizlik Şurasının katibi (2001-2004) vəzifələrində çalışmış Vladimir Ruşaylo “Transneft” şirkətinin vitse-prezidenti təyin edilib.
APA-nın “İTAR-TASS” agentliyinə istinadən verdiyi məlumata görə, Vladimir Ruşaylo noyabr ayından şirkətdə təhlükəsizlik məsələləri üzrə vitse-prezident kimi səlahiyyətlərinin icrasına başlayacaq.
“Transneft” şirkətinin təhlükəsizlik xidmətində 14 min nəfər çalışır. Xidmətin sərəncamında 3 min ədəd silah var. Təhlükəsizlik xidmətinin əsas vəzifəsi neft kəmərlərini qorumaqdır.