Bakı. Aynur Əliyeva - APA-Economics. Azərbaycanda turizm sahəsi sürətlə inkişaf edir. 10 il bundan əvvəl ölkədə 50-60 turizm şirkəti fəaliyyət göstərirdisə, 2013-cü ildə onların sayı 246 olub. Eyni zamanda 10 il bundan əvvəl 97-110 otel fəaliyyət göstərirdisə, ötən ilin nəticələrinə görə ölkədə 500 otel qeydə alınıb.
"APA-Economics"in xəbərinə görə, bunu bu gün keçirilən mətbuat konfransında Mədəniyyət və Turizm Nazirliyinin Daxili turizmin inkişafı sektorunun müdiri Mahir Qəhrəmanov deyib.
M. Qəhrəmanov bildirib ki, 2013-cü ildə ölkəyə 2 mln.-dan artıq əcnəbi gəlib ki, onların əksəriyyəti turist qismində olub.
Ölkənin turizm potensialından danışarkən sektor müdiri əlavə edib ki, Xəzər dənizinin 600 km-dən çox ərazisi, təxminən 60-70%-ı turizm üçün əlverişlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
