Bakı-APA. Hindistanın şimalındakı Assam ştatında “Bodolend Milli Demokratik Cəbhəsi” separatçı hərəkatının üzvlərinin hücumu nəticəsində 7 nəfər ölüb, 9 nəfər yaralanıb. APA-nın “RBK”ya istinadən verdiyi xəbərə görə, bu barədə Röyters agentliyi məlumat yayıb.
Belə ki, Udalquri dairəsində üsyançılar bərbəri qətlə yetiriblər, Çiranq şəhərində isə onlar tərəfindən dinc sakin öldürülüb. Bundan başqa, bir neçə silahlı avtobusu saxlayaraq sərnişinlərə nəqliyyat vasitəsini tərk etməyi əmr ediblər. Bundan sonra silahlılar sərnişinləri cərgəyə düzərək onlara atəş açıblar. Nəticədə 5 nəfər ölüb.
Qeyd edək ki, “Bodolend Milli Demokratik Cəbhəsi” separatçı hərəkatının məqsədi Assam ştatının müstəqil elan olunmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
