Bakı. Aqşin Rafiqoğlu – APA-Economics. Bu ilin yanvar-fevral aylarında Azərbaycanın xarici ticarət dövriyyəsinin həcmi 4 968 389,85 min ABŞ dolları təşkil edib.
«APA-Economics»in Dövlət Gömrük Komitəsinin hesabatına istinadən verdiyi məlumata görə, bu, keçən ilin müvafiq dövrünə nisbətən 11,5% azdır.
Hesabat dövründə idxal əməliyyatları 1 189 881,43 min dollar təşkil edib ki, bu da ötən ilə nisbətən 17,0% azdır.
Bu ilin 2 ayı ərzində ixrac əməliyyatları 3 778 508,42 min dollar olub ki, bu da keçən ilin müvafiq dövrünə nisbətən 9,7% azdır.
Nəticədə, bu ilin yanvar-fevral aylarında Azərbaycanın xarici ticarət dövriyyəsində 2 588 626,99 min dollar həcmində müsbət saldo yaranıb ki, bu da ötən ilin analoji dövrünün göstəricisindən 5,9% azdır.