Bunu “APA-Economics”ə açıqlamasında Nəqliyyat Nazirliyinin “Azeryolservis” ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, qeyd edilən yerlərdə yolun asfalt-beton örtüyünün dəyişdirilməsi ilə əlaqədar hazırlıq işləri görülür: “Yolun asfalt-beton örtüyünün yenilənməsi ilə bağlı olaraq aprelin 6-dan 7-nə keçən gecə Həsən Əliyev küçəsinin Koroğlu Rəhimov küçəsi ilə kəsişməsindən Atatürk prospektinin kəsişməsinədək yerdə tunelin çıxışına qədər olan hissə mərhələli şəkildə məhdudlaşdırılıb. Artıq sabahdan etibarən burada yeni asfalt-beton örtüyünün salınmasına başlanılacaq”.
P.Mürsəliyev əlavə edib ki, yolun yenilənməsi işləri təxminən 5-6 gün davam edəcək.
Yolun bu hissəsi hazır olduqdan sonra açılaraq istifadəyə veriləcək və yolun növbəti hissəsinin yenilənməsinə başlanılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
