Bakı. Aqşin Rafiqoğlu – APA-Economics. Bu ilin yanvar-sentyabr ayları ərzində Azərbaycanda istehlakçılara (ixrac daxil olmaqla) ümumilikdə 5 020,4 min ton neft məhsulları göndərilib.
«APA-Economics»in Dövlət Statistika Komitəsinə istinadən verdiyi məlumata görə, bu, ötən ilin müvafiq dövrü ilə müqayisədə 5,6% çoxdur.
Belə ki, istehlakçılara göndərilən neft məhsullarının 34,6%-ni dizel yanacağı, 20,8%-ni avtomobil benzini, 10,0%-ni aviasiya üçün ağ neft, 5,8%-ni maye qaz, 4,7%-ni neft bitumu, 3,2%-ni mazut yanacağı, 0,8%-ni sürtgü yağları, 20,1%-ni isə digər məhsullar təşkil edir.
Hesabat dövründə neft məhsullarının 76,8%-i daxili bazarda tələbatın ödənilməsinə yönəldilib, 23,2%-i isə ixrac olunub.
Bu ilin yanvar-sentyabr aylarında ölkə istehlakçılarına 3 857,6 min ton və yaxud əvvəlki ilin müvafiq dövrünə nisbətən 8,9% çox neft emalı məhsulları göndərilib. Mazut yanacağı və sürtgü yağları istisna olmaqla, göndərilən qalan neft məhsullarının həcmi artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
