Bakı – APA. Gürcüstan və Rusiya prezidentləri arasında görüşün mümkünlüyü istisna deyil.
APA-nın məlumatına görə, bunu jurnalistlərə açıqlamasında Gürcüstan xarici işlər naziri Maya Pancikidze deyib.
“Bu çox ciddi mövzudur. Bu cür görüşə ciddi hazırlaşmaq lazımdır. Bu dərhal baş tutmayacaq”, - deyə o vurğulayıb.
M.Pancikidze məsələnin fevralın sonunda Gürcüstan baş nazirinin xüsusi nümayəndəsi Zurab Abaşidze ilə Rusiya xarici işlər nazirinin müavini Qriqoriy Karasin arasında baş tutacaq görüşdə müzakirə olunacağını da istisna etməyib.