Bakı-APA. Federasiya Şurası martın 21-də Krımın Rusiyaya birləşdirilməsinə dair lazım olan sənədlərin ratifikasiyası məsələsinə baxılması üçün növbədənkənar iclas keçirəcək. APA-nın “RİA Novosti”yə istinadən verdiyi xəbərə görə, bu barədə Rusiya parlamentinin yuxarı palatasının spikeri Valentina Matviyenko bildirib.
“Martın 21-də saat 12.00-da palatanın növbədənkənar iclası keçiriləcək. İclasda qeyd olunan məsələlərə baxılacaq”, deyə o bildirib.
Onun sözlərinə görə, iclasdan əvvəl həmin gün məsələ ilə bağlı parlamentin profilli komitələr toplantı keçirəcəklər.