APA-nın xəbərinə görə, bunu Ukraynanın Azərbaycandakı səfirinin müavini Rüstəm Rüstəmov keçirdiyi mətbuat konfransında deyib. O bildirib ki, səfər zamanı Ukrayna-Azərbaycan Prezident Şurasının 5-ci iclasının keçirilməsi nəzərdə tutulub. Bundan əvvəl isə Kiyevdə hökumətlərarası komissiyanın yığıncağı keçirilməlidir.
R. Rüstəmov ölkələr arasında ticarət-iqtisadi əməkdaşlığın davam etdiyini söyləyib: “Ötən il ticarət dövriyyəsinin həcmi 992 milyon dollara çatıb”.
Diplomat Ukraynanın ərazi bütövlüyünə dəstək verdiyinə görə Azərbaycan rəhbərliyinə bir daha təşəkkür edib.