Bakı-APA. Bu gün günün ikinci yarısında ölkə ərazisində bir neçə yanğın hadisəsi qeydə alınıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, hadisələrdən biri Bakının Binəqədi rayonunda ümumi sahəsi 609 kv.m olan birmərtəbəli kommunal tipli evin vətəndaşa məxsus 3 otaqlı mənzildə baş verib. Nəticədə mənzilin 1 otağının yanar konstruksiyaları və ev əşyaları 12 kv.m sahədə yanıb. Mənzilin qalan hissəsi və bitişik mənzillər yanğından mühafizə olunub.
Daha bir yanğın hadisəsi Salyan rayonunun Arbatan kəndində (rayon mərkəzindən 3 km aralı) vətəndaşa məxsus ümumi sahəsi 160 kv.m olan birmərtəbəli 4 otaqlı evdə baş verib. Nəticədə evin 1 otağının və mətbəxin tavanı 36 kv.m sahədə və ev əşyaları qismən yanıb. Evin qalan hissəsi yanğından mühafizə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
