Bakı. Nail Hüseynli - APA-Economics. Azərbaycanın “Turanbank” ASC-nin aktivlərinin həcmi bu ilin noyabrın 1-nə 237,33 mln. manat təşkil edib ki, bu da 2012-ci ilin analoji dövrü ilə müqayisədə 14,9%, ilin əvvəli ilə müqayisədə isə 9,3% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 2013-cü ilin əvvəli ilə müqayisədə 13,9%, 2012-ci ilin analoji dövrü ilə müqayisədə isə 18,1% artaraq 183,671 mln. manata çatıb.
Bu ilin yanvar-oktyabr ayları üzrə bankın müştəri hesabları və depozit portfeli 104,1 mln. manat təşkil edib. Fiziki şəxslərin müddətli əmanətləri 2012-ci ilin analoji dövrü ilə müqayisədə 32,6% artaraq 57,536 mln. manat təşkil edib.
Noyabrın 1-nə bankın nizamnamə kapitalı 40 mln. manat təşkil edib ki, bu da ilin əvvəli ilə müqayisədə 33,3% çoxdur. Hesabat dövründə bankın məcmu kapitalı ilin əvvəli ilə müqayisədə 42,79%, ötən ilin analoji dövrü ilə müqayisədə isə 33,8% artaraq 45,5 mln. manat təşkil edib.
Yanvar-oktyabr ayları üzrə bankın gəlirləri 22,7 mln. manat, xərcləri isə 18,085 mln. manat və beləliklə balans mənfəəti 4,615 mln. manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
