Bakı. Aynur Əliyeva – APA-Economics. Nəqliyyat naziri Ziya Məmmədovun rəhbərlik etdiyi nümayəndə heyəti sentyabrın 5-7-də Türkiyənin İstanbul şəhərində keçiriləcək 11-ci Nəqliyyat, Dənizçilik və Kommunikasiya Forumunda iştirak edəcək.
Nəqliyyat Nazirliyinin mətbuat xidmətindən “APA-Economics”ə verilən məlumata görə, Forum “Qlobal nəqliyyatın gələcəyi və investisiya imkanları” mövzusuna həsr olunacaq.
Qeyd edək ki, səfər çərçivəsində nəqliyyat naziri Ziya Məmmədovun türkiyəli həmkarı Binali Yıldırım və beynəlxalq forumun digər iştirakçıları ilə nəzərdə tutulan ikitərəfli görüşlərində müasir dövrdə nəqliyyatın inkişaf meylləri və perspektivləri ilə bağlı ətraflı müzakirələrin aparılması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
