APA-nın məlumatına görə, xalq arasında “Qafqaz əsiri” filmində yaratdığı Saaxov obrazı ilə qalan 90 yaşlı yubilyar bakılı tamaşaçılara öz həyatından maraqlı məqamları danışıb, monoloqlar səsləndirib. Gecənin sonunda isə Vaxtanqov adına teatrın aktyorlarının ifasında “Liman” tamaşasından fraqmentlər ifa olunub.
Vladimir Etuş əslən bakılı olan qadınla ailə həyatı qurduğunu, şəhər haqqında ən xoş xatirələrə sahib olduğunu deyib. O şəhərin daha da gözəlləşdiyini vurğulayıb: “Dünən axşama kimi xanımımla Bakını gəzmişik, heç otelə qayıtmaq istəmirdik. Bura tez-tez gəlmədiyimə təəssüf edirəm”.
Tədbirdə Azərbaycanın mədəniyyət və turizm naziri Əbülfəs Qarayev, Rusiyanın Azərbaycandakı səfiri Vladimir Doroxin də iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
