Bakı. Zümrüd Paşayeva - APA. Rusiya, Ukrayna və Avropa Birliyi (AB) təmsilçiləri sentyabrda Brüsseldə bir araya gələcək.
APA-nın “İTAR-TASS”-a istinadən xəbərinə görə, bu barədə AB-nin Ticarət məsələləri üzrə komissarı Karel de Quxt bildirib.
Onun sözlərinə görə, Rusiya, Ukrayna və AB təmsilçiləri sentyabrın 12-də AB və Kiyev arasında imzalanan assosiativ sazişi müzakirə etmək üçün Brüsseldə görüşəcəklər: “Ümid edirəm ki, bu razılaşmanın həyata keçirilməsi, AB və Ukrayna arasında azad ticarət zonasının yaradılması ilə bağlı ticarət sahəsində yaranan çətinliklərin aradan qaldırılmasının həll yolunu tapacağıq”.