Bakı. Aqşin Rafiqoğlu - APA-Economics. "SOCAR-ın "Petkim Petrokimya Holding A. Ş."-dəki payı heç vaxt 51%-dən aşağı düşməyəcək".
"APA-Economics" xəbər verir ki, bu barədə "SOCAR Turkey Energy" şirkətinin İdarə Heyətinin sədri Zaur Qəhrəmanov deyib.
"Hazırda "Petkim"də 56-57%-lik paya sahibik. Bir şey dəqiqdir ki, SOCAR-ın payı 51%-dən aşağı düşməyəcək. Biz mütəmadi olaraq həm səhm alırıq, həm də satırıq. Hazırda səhmlər bahalaşdığı üçün biz onların bir qismini satırıq və layihələrimizin maliyyələşdirilməsinə yönəldirik", - deyə şirkət rəhbəri qeyd edib.