Bakı. Musa Əhmədov – APA-Economics. Böyük Britaniyanın “Anglo Asian Minning” şirkəti 4 mln. dollarlıq kredit cəlb edib.
Bu barədə “APA-Economics”ə şirkətdən məlumat verilib.
Məlumata görə, Azərbaycanda qızıl yataqlarının işlənməsi üzrə operator olan “Anglo Asian Mining” (AAM) şirkətinin prezidenti və baş icraçı direktoru Reza Vəziri AAM-ə 4 mln. dollar məbləğində kreditin ayrılmasına razılıq verib.
2016-cı ilin yanvarın 8-dək verilən kredit illik 10% dərəcəsi ilə ayrılıb. Razılığa əsasən, faizlər müddətin sonunda ödəniləcək. Bununla belə, kreditin vaxtından qabaq ödənilməsi də mümkündür.
Şirkət kredit vəsaitlərini dövriyyə kapitalının artırılmasına yönəltmək niyyətindədir. İlkin olaraq bu məqsəd üçün 2 mln. ABŞ dolları yönəldiləcək.
Şirkətin müstəqil direktorlarının fikrincə, səhmdarların maraq göstərdiyi kreditin şərtləri ədalətli və ağlabatandır.
Xatırladaq ki, 1997-ci il avqustun 21-də imzalanan PSA tipli müqaviləyə əsasən, Azərbaycanın payı 51% “Anglo Asian Mining PLc” şirkətinin payı 49% təşkil edir.
6 yatağın işlənməsini nəzərdə tutan müqaviləyə görə, bu yataqlardan 400 ton qızıl, 2,5 min ton gümüş və 1,5 min ton mis çıxarılması nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
