Bakı – APA. Qadın həndbolçular ibarət Azərbaycanın ABU klubu “Çelenc Cup”ın 1/8 finalına yüksəlib. Apasport.az saytının məlumatına görə, Bakı təmsilçisi buna Serbiyanın “Srvena Zvezda” komandasına qalib gəlməklə nail olub.
Belə ki, Belqradda baş tutan ilk oyunda rəqibini 31:29 hesabı ilə məğlub edən təmsilçimiz ardınca üstünlüyü əldən verməyib. Cavab görüşünə də səfərdə çıxan ABU bu dəfə heç-heçə edib – 23:23. Yığmamızın üzvü Marta Abbasova yenə komandasının ən məhsuldar oyunçusu olub. O, “Srvena Zvezda”nı 6 dəfə məyus edib.
Beləliklə, 2 görüşün nəticəsinə əsasən 54:52 hesabı ilə üstün olan ABU növbəti mərhələdə rəqiblərini gözləyir. Bütün 1/8 finalçıların adları isə noyabrın 24-də bəlli olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
