Bakı. Aqşin Rafiqoğlu - APA-Economics. Bu ilin sentyabr ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 mln. 440,509 min ton Azərbaycan nefti nəql olunub.
“APA-Economics”in SOCAR-a istinadən verdiyi məlumata görə, bu, ötən ilin sentyabr ayı ilə müqayisədə 6,77% artıb.
Bu ilin yanvar-sentyabr aylarında bu kəmərlə 21 mln. 598,171 min ton neft ötürülüb ki, bu da ötən ilin yanvar-sentyabr ayları ilə müqayisədə 1,12% azdır.
Ümumiyyətlə, kəmər istifadəyə verilən gündən bu il oktyabr ayının 1-ə qədər BTC-yə 285 mln. 422,868 min ton neft vurulub.
Bundan başqa, bu ilin sentyabr ayında BTC kəməri ilə ümumilikdə 359 902 ton Qazaxıstan və Türkmənistan nefti nəql olunub.