Bakı – APA-Economics. Bu ilin mart ayı ərzində BTC (Bakı-Tbilisi-Ceyhan) əsas ixrac boru kəməri vasitəsilə 2 438 660 ton Azərbaycan nefti nəql olunub. Azərbaycan Dövlət Neft Şirkətindən (ARDNŞ) «APA-Economics»ə verilən məlumata görə, bu, ötən ilin martına nisbətən 9,6% azdır.
Cari ilin yanvar-mart aylarında bu kəmərlə 7 343 762 ton neft ötürülüb ki, bu da ötən ilin birinci rübünə nisbətən 7,4% azdır.
Ümumiyyətlə, kəmər istifadəyə verilən gündən 2013-cü il aprelin 1-dək BTC-yə 212 795 576 ton neft vurulub. Bundan başqa, cari ilin mart ayında BTC kəməri ilə 276 523 ton tranzit Türkmənistan nefti nəql olunub.