APA-nın məlumatına görə, Nepal mətbuatı yazır ki, 42 yaşlı Murad Aşurlu Himalay dağlarında hündürlüyü 6856 metr olan Ama Dablam yüksəkliyindən enərkən hündürlükdən yıxılaraq həlak olub.
Azərbaycan Alpinizm Federasiyasının vitse-prezidenti Saridan Mursaqulov APA-ya açıqlamasında M. Aşurlunun öldüyünü təsdiqləyib.
Lakin o, hadisənin hansı şəraitdə baş verməsinin hələlik məlum olmadığını deyib: “Federasiyamızın prezidenti İsrafil Aşurlu hadisə ilə əlaqədar Nepala gedib. Hadisənin hansı şəraitdə baş verdiyini yalnız o qayıdandan sonra deyə bilərik”.
Qeyd edək ki, M. Aşurlu Alpinizm Federasiyasının prezidenti İsrafil Aşurlunun əmisi oğludur.