Bakı. Əli Əhmədov – APA-Economics. ARDNŞ-in «Azəriqaz» İB-nin abunəçilərinin ümumi sayı 2012-ci il 1 noyabr tarixinə 1 444 156-ya çatıb. «Azəriqaz» İB-nin məlumatına görə, abunəçilərin 1 426 415-i əhali, 17 741-i qeyri-əhali abunəçiləridir.
Abunəçilərin 650 875-i və ya 45%-i Bakı şəhərinin (641 413 əhali, 9 462 qeyri-əhali abonenti), 793 281-i və ya 55%-i isə regionların payına düşür (785 002 əhali, 8 279 qeyri-əhali abonenti).
«Azəriqaz» İB-nin məlumatına görə, ümumilikdə indiyədək 1 443 188 abunəçi sayğaclaşdırılıb ki, bunun da 1 425 447-i əhali, 17 741-i qeyri-əhali istehlakçılarıdır.
Əhali istehlakçılarının 99,9%-i, qeyri-əhali qrupu isə tamamilə sayğaclaşdırılıb. Noyabrın 1-dək əhali abonentlərinin mənzillərində 502 minə yaxın «smart-kart» sayğacı quraşdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
