Bakı. Anaxanım Hidayətova – APA. Londonda ABŞ dövlət katibi Con Kerri ilə Rusiya xarici işlər naziri Sergey Lavrov arasında görüş keçirilib. APA-nın Rusiya XİN-in mətbuat xidmətinə istinadən verdiyi məlumata görə, tərəflər ikitərəfli əlaqələrin inkişaf yollarını, aktual beynəlxalq məsələləri, o cümlədən Suriya və Koreya yarımadasında yaranmış vəziyyəti müzakirə ediblər. Raket hücumundan müdafiə mövzusu və bu barədə dialoqun perspektivləri də diqqət mərkəzində olub.