Bakı. Rüfət Əhmədzadə - APA. Azərbaycan mətbuat nümayəndələrinin İran İslam Respublikasının Qərbi Azərbaycan vilayətinə səfəri başlayıb.
İranın Azərbaycandakı səfirliyinin mətbuat xidmətindən APA-ya verilən məlumata görə, səfər İran və Azərbaycan KİV-ləri arasında əlaqələrin möhkəmlənməsi məqsədilə təşkil olunub.
11 nəfərlik heyətə "CBC" və APA telekanallarının, "525-ci", "Üç nöqtə" qəzetlərinin, habelə AzərTAc, "Novosti Azərbaycan", "Trend" və "İnterfaks" xəbər agentliklərinin müxbir, operator və fotoqrafları daxildir.
Səfərin məqsədi Azərbaycan xalqının İranın iqtisadi, mədəni və turizm sahələrində mövcud olan potensialı ilə tanışlıqdır. Jurnalistlər İranın Qərbi Azərbaycan vilayətinin Maku, Xoy, Məhabad və Urmiya şəhərlərinə səfər edəcək, bu şəhərlərin iqtisadi və turizm potensialı ilə tanış olaraq xüsusi reportajlar hazılayacaqlar.
Qeyd edək ki, Azərbaycanın ilk media qrupu bu ilin iyul ayında Ərdəbilə, ikinci qrup isə avqust ayında Gilana səfər edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
