Bakı. Musa Əhmədov - APA-Economics. Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
AMB-dən "APA-Economics"ə verilən məlumata görə, ABŞ-ın milli valyutası olan dollar manata qarşı 0,2% bahalaşaraq 1,5150 manat təşkil edib.
Avro da manata qarşı bahalaşıb. Avrozonanın vahid valyutası manata nisbətən 0,07% bahalaşaraq 1,7082 manata çatıb.
Azərbaycanın əsas ticarət tərəfdaşlarından biri olan Rusiyanın milli valyutası rubl manata nisbətən 0,87% möhkəmlənərək 0,0232 manat olub.
Türkiyə lirəsi də manata nisbətən bahalaşıb. Belə ki, qardaş ölkənin milli valyutası 0,17% güclənərək 0,5182 manata çatıb.
Rəsmi məzənnəyə əsasən, 1 ingilis funt sterlinqi 2,1479 manatdır. Beləliklə, ötən günlə müqayisədə funt sterlinq manata qarşı 0,16%-lik bahalaşma nümayiş etdirib.
Gürcüstan larisi isə 0,16% bahalaşaraq 0,7086 manata çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
