Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində oğurluqda təqsirləndirilən Vəfa Zeynalovanın cinayət işi üzrə məhkəmə prosesi başa çatıb.
APA-nın məlumatına görə, məhkəmənin hökmü ilə o, 2500 manat cərimə olunub. Hamilə olan V. Zeynalova məhkəmə zalından azadlığa buraxılıb.
Qeyd edək ki, Vəfa Zeynalova Cinayət Məcəlləsinin 177-ci (oğurluq) maddəsi ilə təqsirləndirilib. O, vətəndaşa 9 min manat ziyan vurub. Saxlanılan zaman dəymiş ziyan ödənilib.