Bakı. Könül Kamilqızı-APA. 7-10 dekabr tarixlərində Bakıda 12 dövlətin ali məktəb tələbələrinin iştirakı ilə İnformatika (proqramlaşdırma) üzrə II Beynəlxalq Olimpiada keçiriləcək. Gənclər və İdman Nazirliyindən APA-ya verilən xəbərə görə, 70-dən çox tələbənin iştirak edəcəyi bu Olimpiadada dünyanın ən məşhur komandaları yarışacaq. Olimpiada iştirakçıları arasında proqramlaşdırma üzrə dünya çempionları da var.
Azərbaycanı olimpiadada 3 ali təhsil ocağının – Qafqaz Universiteti, Bakı Dövlət Universiteti və Lomonosov adına Moskva Dövlət Universitetinin Bakı filialının proqramlaşdırma üzrə tələbə komandaları təmsil edəcəklər.
Tədbir iştirakçıları dekabrın 8-də Fəxri Xiyabanda Heydər Əliyevin məzarını və Şəhidlər Xiyabanını ziyarət edəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
