Moskva. Fərid Əkbərov - APA. Rusiya prezidenti Vladimir Putin Azərbaycanla investisiyaların qorunması və genişləndirilməsi barədə imzalanmış müqavilənin ratifikasiyası haqqında federal qanunu imzalayıb.
APA-nın Moskva müxbirinin verdiyi xəbərə görə, bu barədə kremlin.ru saytı məlumat yayıb. Müqavilə Rusiya Federasiyası ilə Azərbaycan arasında qarşılıqlı ticarət-iqtisadi, elmi-texniki əməkdaşlığın inkişafı üçün münbit şəraitin yaradılmasına istiqamətlənib.
Qeyd edək ki, müqavilənin ratifikasiyası haqqında federal qanun 2015-ci il oktyabrın 23-də Rusiya Dövlət Dumasında, 28 oktyabr 2015-ci il tarixində isə Federasiya Şurasında qəbul olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
