Zaqatala. Vüqar Heydərov - APA. Zaqatala rayon sakininin yaşadığı evdə odlu silah və qadağan edilmiş dini vəsait aşkarlanıb.
Zaqatala rayon Polis Şöbəsindən (RPŞ) APA-nın Şəki-Zaqatala bürosuna verilən məlumata görə, şöbəyə daxil olan məlumat əsasında 1992-ci il təvəllüdlü, Samir Asvar oğlu Məmmədovun Zaqatala şəhəri Mahmudov küçəsi, ev 76 ünvanında yaşayan evdə əməliyyat-axtarış tədbiri keçirilib.
Tədbir nəticəsindən evdən 9 mm-lik “Makarov” tipli tapança və içərisində 4 ədəd gülləsi olan xəzinəsi, 3 ədəd radikal dini təriqəti təbliğ edən kitab, 13 ədəd broşür, 1 ədəd qeyd dəftəri, 14 ədəd DVD diski, 32 ədəd kompüterdə hazırlanmış vərəqələr aşkarlanaraq götürülüb. Samir Məmmədov Zaqatala RPŞ-nin əməkdaşları tərəfindən saxlanılıb. Faktla bağlı Zaqatala RPŞ-də cinayət işi başlayıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
