Bakı. Rəşad Süleymanov - APA. Dövlət Sərhəd Xidmətinin (DSX) Hərbi Hospitalının həkimləri tərəfindən hərbi hissələrdə və sərhədyanı yaşayış məntəqələrində yerli sakinlərin pulsuz müayinə və müalicəsi keçirilir. Bu barədə APA-ya DSX-nin mətbuat mərkəzindən məlumat verilib.
Avqustun 1-dən 3-dək Lənkəran sərhəd dəstəsinin xidməti ərazisində Lerik rayonunun Məhləbad, Yuxarı Amburdərə, Aşağı Amburdərə, Qələçər, Kələxan, Orand və Hilidərə kəndlərinin 123 nəfər sakininin müayinə və müalicələri təşkil edilib.