Yerli sakinlərin APA-nın cənub bürosuna verdikləri məlumata görə, son günlərin intensiv yağıntıları zamanı dağlardan axıb gələn sel sularının yeraltı suxurlara dolması yol yatağının müəyyən hissəsinin yuyulması, bəzi ərazilərdə isə iri çatların əmələ gəlməsinə səbəb olub.
Mövcud vəziyyət çökmüş yolun ətrafındakı alternativ yolda da müşahidə olunur.
Sakinlərin qənaətincə, yağıntıların yenidən başlayacağı təqdirdə ərazidəki dağ yamacının tamamilə sürüşməsi baş verər. Belə olan halda isə 40-a yaxın ucqar yaşayış məntəqəsinin rayon mərkəzi ilə əlaqəsi kəsilə bilər.
Torpaq sürüşməsi həyətyanı sahələrdə də müşahidə olunur. Rayonun Pərdi kəndində iri torpaq qatı uçaraq həyətlərə tökülüb. Sürüşmə zamanı evlərə və təsərrüfatlara ziyan dəyməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
