Bakı. Könül Cəfərli-APA. “Qərb ölkələri İranın nüvə proqramı ətrafında yaranmış gərginliyi siyasiləşdirir”. APA-nın “Fars” xəbər agentliyinə istinadən məlumatına görə, bu fikirləri İranın xarici işlər naziri Əli Əkbər Salehi bildirib. Onun sözlərinə görə, hazırda Qərb ölkələri bu cür davranışla heç nəyə nail ola bilməyəcəklərini anlayıblar: “İran bərabər şərtlərlə müzakirənin tərəfdarıdır və nüvə enerjisindən dinc məqsədlər üçün faydalanmaq haqqından əsla vaz keçməyəcək”.