Bakı. Fuad Cəfərov – APA. Bakıda kafedə yanğın qeydə alınıb. APA-nın Fövqəladə Hallar Nazirliyinin saytına istinadən verdiyi məlumata görə, Xəzər rayonunda vətəndaşa məxsus ümumi sahəsi 140 kvadratmetr olan, fəaliyyət göstərməyən kafe və içərisində olan əşyalar yanıb. Yaxınlıqdakı tikililər yanğından mühafizə olunub. Yanğın saat 11:33-də yanğınsöndürənlər tərəfindən söndürülüb.