Prezident İlham Əliyevin bu gün imzaladığı əfv sərəncamı ömürlük azadlıqdan məhrum etmə cəzasına məhkum edilmiş şəxslərə də şamil olunub.
ONA-nın xəbərinə görə, aşağıdakı iki nəfərin cəzası 20 il müddətə azadlıqdan məhrum etmə cəzası ilə əvəz edilib:
Quliyev Daşqın Cabbar oğlu, 1977-ci ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2001-ci il 27 avqust tarixli hökmü ilə məhkum edilib.
Sədrəddinov Kamil Camal oğlu, 1956-cı ildə anadan olmuş, Azərbaycan Respublikasının vətəndaşı, Ağır Cinayətlərə Dair İşlər üzrə Azərbaycan Respublikası Məhkəməsinin 2007-ci il 16 yanvar tarixli hökmü ilə məhkum olunub.
K. Sədrəddinov ağır cinayətlərdə ittiham olunan DİN-in yüksək rütbəli sabiq əməkdaşı Hacı Məmmədovun dəstəsinin üzvlərindən olub.
Qeyd edək ki, sərəncam 431 şəxsə şamil olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
