Bakı. Vahab Rzayev - APA-Economics. Azərbaycanda yeni ipoteka proqramının hazırlanması başa çatmaq üzrədir. “APA-Economics”in xəbərinə görə, bunu Azərbaycan Mərkəzi Bankının sədri Elman Rüstəmov bildirib.
Onun sözlərinə görə, proqram tam hazır olandan sonra müvafiq qurumlara təqdim ediləcək: “Yeni proqramın qəbul edilməsinin əsas məqsədi ölkədə dövlət ipotekasını inkişaf etdirmək, sadələşdirmək və təkmilləşdirməkdir”.
E.Rüstəmovun fikrincə, ipotekanın maksimum müddətinin artırılması da pis olmazdı: “Ümumilikdə isə ipoteka kreditləşməsinin mahiyyəti müvafiq qanunla tənzimlənir və onun dəyişməsinə zərurət görmürəm”.